Қашықтықтан оқытудың бес кеңесі
Ирина Виговская, қазақстандық Медиация, фасилитация және келіссөз процесі орталығының басшысы:
Қазір интерактивті сабақтарды жасауға арналған қызықты, әрі қарапайым платформалар мен бағдарламалар шығып жатыр. Мұндай белсенділік оқушылардың назарын аударып, ақпаратты қабылдау деңгейін көтеріп, сабақтың сапасын жақсартуға көмектеседі.
Маған жаңа ұрпақ гендік деңгейде «орнатылған» digital-ақпаратпен дүниеге келетін сияқты болып көрінеді. Оларға гаджеттер мен көптеген бағдарламаларды қолдануды үйретудің қажеті жоқ, олар рефлекстер деңгейінде пайдаланады.
Мен былтын Сколково мәскеулік ғылыми қалашығында федералдық университеттермен жұмыс істедім және оқытушыларға арналған бірнеше кеңеспен бөліскім келеді:
1. 10-15 минуттық капсулалық сабақтарды байқап көріңіз. Мектеп пәндерінің барлығы бірдей бұл форматқа келе бермейді, бірақ кейбіреулері үшін, мысалы тілдерді, физика, математика, элективті курстарды оқыту кезінде қолданып көруге болады. Мұндай әдістеме материалды пысықтауға және креативті ойлауды дамытуға мүмкіндік береді. Капсулалық курста 3-5 минуттық бейне, шағын есептер, лонгридтер, тестілер, аудио, фотобелгілерді және т.б. енгізуге болады.
2. Тегін қосымшаларды пайдаланыңыз. Оларды түсіну үшін кейде уақытыңызды кетіруіңіз мүмкін, бірақ сіз одан ұтасыз. Мұндай қосымшалар оқушыларға тыңдап қана қоймай, стикерлер жасауға, мүсіндерді қозғауға, сурет салуға мүмкіндік береді.
3. Өз оқушыларыңыздан үйреніңіз. Бізге, ересектерге жаңа трендтер мен жаңа шындықты балалар үйретеді, өйткені олар диджитал-дағдыларды жылдам дамытады. Сіздің оқушыларыңызға өздері пайдаланғысы келіетін оқыту платформасы неге жасап көрмеске?
4. Шығармашылық ойлаумен қатар сыни тұрғыдан ойлауды дамытыңыз. Бұл үшін ТРИЗ әдіснамасын – өнертабыстық міндеттерді шешу теориясын пайдалану керек. Бала бақшадан бастап, балалар үшін бейімделген көптеген оқулықтар мен тапсырмалар бар. ТРИЗ-ді инженерлер, маркетологтар, өмірдің кез келген саласында қолданады.
5. Білімді экожүйелі тәсілдің бөлігі ретінде қарастырыңыз. Қандай сабақты оқытсаңыз да, оған экологиялық тұрғыдан қарауға тырысыңыз. Менің ойымша, «білім + денсаулық + экология» триадасы қазір бұрын-соңды болмағандай, оған қоса пандемиядан кейін өзекті.